Гэрэл зургийн "CHEMISTRY PHOTO" улсын уралдааныг “Грийн химистри” ХХК 2023 оноос санаачлан зохион байгуулж эхэлсэн бөгөөд энэ жилийн уралдааныг үндэсний хэмжээнд “Боловсролын ерөнхий газар”-тай хамтран зохион байгуулж байна.

Зорилго:

Химийн урвалын талаарх сонирхолтой агшинг өөрийн гэрэл зургийн камерт буулгах замаар олон нийтэд химийн шинжлэх ухааны гайхамшгийг таниулахад оршино.

Хугацаа:

2024 оны 03 дугаар сарын 20-ны өдрөөс 04 дүгээр сарын 30-ны хооронд үргэлжилнэ.

Шагналын сан: (Дунд, ахлах):

9-12 ангийн сурагчид 1-р байр Алтан медаль, Өргөмжлөл - 1 сурагч , 300 000 төгрөг
2-р байр Мөнгөн медаль, Өргөмжлөл - 2 сурагч, 200 000 төгрөг
3-р байр Хүрэл медаль, Өргөмжлөл - 3 сурагч , 100 000 төгрөг

6-8 ангийн сурагчид 1-р байр Алтан медаль, Өргөмжлөл - 1 сурагч, 250 000 төгрөг
2-р байр Мөнгөн медаль, Өргөмжлөл - 2 сурагч, 150 000 төгрөг
3-р байр Хүрэл медаль, Өргөмжлөл - 3 сурагч, 100 000 төгрөг

Зураг хүлээн авах хугацаа:

Гэрэл зурагт тавигдах шалгуурын дагуу шаардлага хангасан бүтээлүүдийг 2024 оны 04 дугаар сарын 26-ны өдрөөс 05 дүгээр сарын 03-ны өдрийн 10 цаг 00 минут хүртэл хүлээн авна.

Зураг, оролцогчийн мэдээлэл ирүүлэхдээ:

https://greenchemistry.mn/ChemistryPhoto2024/ веб сайтын БҮРТГҮҮЛЭХ холбоосоор зураг, мэдээллээ ирүүлж оролцоно.

Шалгаруулалт, шагнал гардуулах ёслол:

2024 оны 04-р сарын 26-с эхлэн уралдаанд ирсэн гэрэл зургуудыг https://greenchemistry.mn/ChemistryPhoto2024/ сайт болон Facebook Page хуудсанд байршуулж, 2024 оны 04-р сарын 26-нөөс 2024 оны 05-р сарын 02-ныг дуустал олон нийтээс хамгийн их санал (үнэлгээ) авсан байдлаар болон зурагт тавигдах нөхцөл шалгуурын дагуу оноог шүүгчид өгч шилдэгүүдийг шалгаруулна.
Уралдаанд шалгарсан хүүхдүүдийн шагналыг 2024 оны 05-р сарын 18-ны өдөр “Монголын уран зургийн галерей”-д гардуулна.
Уралдаанд ирүүлсэн зургуудаар “Монголын уран зургийн галерей”- д 2024 оны 05 сарын 18-ны өдөр үзэсгэлэн гаргаж олон нийтэд танилцуулна.
Байр эзэлсэн байдлыг “Грийн химистри” ХХК-ийн Facebook page-ээр болон “Боловсролын ерөнхий газар”-ын Facebook page хуудсанд байршуулна.

Зурагт тавигдах шаардлага:

Гэрэл зургууд ирүүлэхдээ дараахь зүйлсийг анхаарна уу.
• Аюулгүй байдлын үүднээс сургуулийн химийн багшаар хяналт тавиулсан байх,
• Оролцогч хамгийн ихдээ 2 гэрэл зураг ирүүлэх,
• Зураг JPG өргөтгөл форматтай байх,
• Зургийн харьцаа: 1:1 буюу адил талт хэлбэртэй байх
• Нягтаршил сайтай байх,
• Зургийн хамгийн дээд хэмжээ: 25 МB илүүгүй байх

Гэрэл зургийн нөхцөл ба шалгуур:

• Гэрэл зургийн зохиомж, агуулга, ур чадвар, бүтээлийн нэр, тайлбар, тухайн бүтээл чанарын шаардлага хангасан эсэхийг харгалзан үзнэ.
• Зөвхөн өөрийн авсан гэрэл зургийг ирүүлэх бөгөөд зохиогчийн эрхийн асуудал үүссэн тохиолдолд уралдаан зохион байгуулагч тал хариуцахгүй.
• Гэрэл зураг нь эх хувиар байх ёстой ба засвартай зургийг хүлээн авах боломжгүй.
• Уралдаанд шалгарсан зургуудаар үзэсгэлэн гаргах тул фокусгүй гэрэл зургийг хүлээн авахгүй болохыг анхаарна уу.
• Хиймэл оюун буюу Artificial Intelligence (AI) компьютерийн програм ашигласан тохиолдолд хүлээн авах боломжгүй
• Уралдаанд оролцогч туршилт хийж байгаа талаарх бодит зурагаа tech@greenchemistry.mn имэйл хаягаар ирүүлнэ үү.

Тус уралдааныг 2023 онд “Грийн химистри” ХХК анх удаагаа санаачлан зохион байгуулж эхлүүлсэн билээ. CHEMISTRY PHOTO-2023 үр дүнг та энд дарж үзнэ үү .