Гэрэл зургийн “CHEMISTRY PHOTO” улсын уралдааныг “Грийн химистри” ХХК 2023 оноос санаачлан зохион байгуулж эхэлсэн бөгөөд энэ жилийн уралдааныг үндэсний хэмжээнд “Боловсролын ерөнхий газар”-тай хамтран зохион байгуулж байна.
Зорилго:
Химийн урвалын талаарх сонирхолтой агшинг өөрийн гэрэл зургийн камерт буулгах замаар олон нийтэд химийн шинжлэх ухааны гайхамшгийг таниулахад оршино.
Хамрах хүрээ:
Үндэсний хэмжээнд Ерөнхий боловсролын сургуулийн 6-12-р ангийн бүх сурагчид оролцох боломжтой.
Хугацаа:
2024 оны 03 дугаар сарын 20-ны өдрөөс 04 дүгээр сарын 30-ны хооронд үргэлжилнэ.
Шагналын сан: (Дунд, ахлах)
9-12 ангийн сурагчид
1-р байр Алтан медаль, Өргөмжлөл – 1 сурагч , 300 000 төгрөг
2-р байр Мөнгөн медаль, Өргөмжлөл – 2 сурагч, тус бүр 200 000 төгрөг
3-р байр Хүрэл медаль, Өргөмжлөл – 3 сурагч , тус бүр 100 000 төгрөг
6-8 ангийн сурагчид
1-р байр Алтан медаль, Өргөмжлөл – 1 сурагч, 250 000 төгрөг
2-р байр Мөнгөн медаль, Өргөмжлөл – 2 сурагч, тус бүр 150 000 төгрөг
3-р байр Хүрэл медаль, Өргөмжлөл – 3 сурагч, тус бүр 100 000 төгрөг
Зураг хүлээн авах хугацаа:
Гэрэл зурагт тавигдах шалгуурын дагуу шаардлага хангасан бүтээлүүдийг 2024 оны 03 дугаар сарын 20-ны өдрөөс 04 дүгээр сарын 24-ний өдрийн 10 цаг 00 минут хүртэл хүлээн авна.
Зураг, оролцогчийн мэдээлэл ирүүлэхдээ:
https://greenchemistry.mn/ChemistryPhoto2024/ веб сайтын БҮРТГҮҮЛЭХ холбоосоор зураг, мэдээллээ ирүүлж оролцоно.
Шалгаруулалт, шагнал гардуулах ёслол:
2024 оны 04-р сарын 24-нөөс эхлэн уралдаанд ирсэн гэрэл зургуудыг https://greenchemistry.mn/ChemistryPhoto2024/ сайт болон https://www.facebook.com/greenchemistryllc page хуудсанд байршуулж,
2024 оны 04-р сарын 24-нөөс 2024 оны 04-р сарын 27-ныг дуустал олон нийтээс хамгийн их санал (үнэлгээ) авсан байдлаар болон зурагт тавигдах нөхцөл шалгуурын дагуу оноог шүүгчид өгч шилдэгүүдийг шалгаруулна.
Уралдаанд шалгарсан хүүхдүүдийн шагналыг 2024 оны 04-р сарын 30-ны өдөр “МУИС-ийн Төв номын сангийн байр”- д гардуулна.
Уралдаанд ирүүлсэн зургуудаар “МУИС-ийн Төв номын сангийн байр”- д 2024 оны 04 сарын 30-ны өдөр үзэсгэлэн гаргаж олон нийтэд танилцуулна.
Байр эзэлсэн байдлыг “Грийн химистри” ХХК-ийн Facebook page-ээр болон “Боловсролын ерөнхий газар”-ын Facebook page хуудсанд байршуулна.
Зурагт тавигдах шаардлага:
Гэрэл зургууд ирүүлэхдээ дараахь зүйлсийг анхаарна уу.
- Аюулгүй байдлын үүднээс сургуулийн химийн багшаар хяналт тавиулсан байх,
- Оролцогч хамгийн ихдээ 2 гэрэл зураг ирүүлэх,
- Зураг JPG өргөтгөл форматтай байх,
- Зургийн харьцаа: 1:1 буюу адил талт хэлбэртэй байх
- Нягтаршил сайтай байх,
- Зургийн хамгийн дээд хэмжээ: 25 МB илүүгүй байх
Гэрэл зургийн нөхцөл ба шалгуур:
- Гэрэл зургийн зохиомж, агуулга, ур чадвар, бүтээлийн нэр, тайлбар, тухайн бүтээл чанарын шаардлага хангасан эсэхийг харгалзан үзнэ.
- Зөвхөн өөрийн авсан гэрэл зургийг ирүүлэх бөгөөд зохиогчийн эрхийн асуудал үүссэн тохиолдолд уралдаан зохион байгуулагч тал хариуцахгүй.
- Гэрэл зураг нь эх хувиар байх ёстой ба засвартай зургийг хүлээн авах боломжгүй.
- Уралдаанд шалгарсан зургуудаар үзэсгэлэн гаргах тул фокусгүй гэрэл зургийг хүлээн авахгүй болохыг анхаарна уу.
- Хиймэл оюун буюу Artificial Intelligence (AI) компьютерийн програм ашигласан тохиолдолд хүлээн авах боломжгүй
- Уралдаанд оролцогч туршилт хийж байгаа талаарх бодит зурагаа tech@greenchemistry.mn имэйл хаягаар ирүүлнэ үү.
2023 онд зохион байгуулсан “CHEMISTRY PHOTO-2023” уралдааны үр дүнг та бүхэн https://greenchemistry.mn/ChemistryPhoto2023/ дараах холбоосоор үзэх боломжтой.
Холбогдох хаяг мэдээлэл: 7777-0199, 8022-3300, 8022-1155 дугаараар болон tech@greenchemistry.mn цахим шуудангаар холбогдоно уу.
