Page 326 - GreenChemistry2023 Emhetgel

Жан Юй нь Монгол ямааны элэгнээс уураг гарган авах судалгааны ажил хийсэн байна. Судалгааны үр
дүнд 17°C-н температурт 5 цагийн хугацаанд хатуу шингэний харьцаа 7.8 мл/г, рН-н утга 7.5 байхаар
тооцож уургийн агууламжыг 17.36%-с 80,27% болтол нэмж чадсан байна. (张宇, 2014)

Чен Жин, Жан Чао Лэй нар нь Хонины элэгний агууламжтай нунтаг хуурай сүүтэй цайг гарган авсан.
Судалгааны үндсэн түүхий эдээр сүү, хар цай, хонины элэг зэргийг ашиглан бүтээжээ. Энэ нь

тэжээллэг, амт нь өвөрмөц, хэрэглэхэд хялбар байна. (陈敬,张超垒, 2019)

Ли Ли, Ма Ли Жэнь, Тан Янь нар нь Хонины элэг, кассиа үр, удвал цэцэг, лууванг түүхий эд болгон,
зөгийн бал, глицин, мөсөн чихэр зэргийг амт оруулагч болгон ашиглан нүдний ядаргааг тайлах
үйлчилгээтэй Мингму Янган аман шингэнийг гарган авсан байна. (李黎,马俪珍,唐燕, 2012)

Судалгааны ажлын материал, урвалж бодис, тоног төхөөрөмж

Судалгааны материал

Судалгааны материалаар Улаанбаатар хотын хэрэглэгчдийн түгээмэл үйлчлүүлдэг Хүчит шонхор
болон Хархорин захын дайвар бүтээгдэхүүний хэсгээс авсан хонины элэг, хүнсний дэлгүүрээс цагаан
элсэн чихэр, давс, цөцгийн тос, наранцэцгийн тос, чидун жимсний тос зэргийг авсан.

Туршилтын урвалжууд

Нэрмэл ус, Цардуул, Магнийн исэл, Петролиумын эфир (буцалж буй температур 30-60 ℃), Зэсийн сульфат,
Калийн сульфат, Хүхрийн хүчил, Хлороформ Борын хүчил, Гурван хлорт цууны хүчил, Натрийн
тиосульфат, Мөсөн цууны хүчил, Натрийн хлорид, Натрийн гидроксид, Усгүй натрийн сульфат,
Аскорбины хүчил, Калийн иодид, Давсны хүчил, Перхлорын хүчил

Туршилтын багаж тоног төхөөрөмж
Аналитик жин, Уураар ариутгагч төхөөрөмж, Бутлуур, Усан халаагуур, Хатаах шүүгээ, Центрифуг,
Шатаах зуух, Өнгөний ялгаа хэмжигч, Хэт ягаан туяаны спектрофотометр Сокслетын аппарат,
Кельдалын аппарат, Сорох шүүгээ, Вакуум сав баглаа боодлын машин, Ион солилцлын хроматоргафи,
Атом шингээлтийн спектрометр, pH- хэмжигч

Судалгааны арга, арга зүй

Судалгааны материалаар Улаанбаатар хотын хэрэглэгчдийн түгээмэл үйлчлүүлдэг Хүчит шонхор
болон Хархорин захын дайвар бүтээгдэхүүний хэсгээс авсан хонины элгийг ашиглав. Туршилт
судалгааг Хүнсний аюулгүй байдлын үндэсний лавлагаа лабораторийн хими хор судлалын лаборатори
болон ӨМӨЗО-ны ХААИС-ийн лабораторид тус тус хийж гүйцэтгэсэн. Уг шинжилгээнд хонины элэгийг
гол түүхий эд болгож, дулааны аргаар боловсруулан хатааж, шинжилгээний туршилтаар
бүтээгдэхүүний оновчтой томьёолол, үйлдвэрлэлийн процессыг тодорхойлж, бүтээгдэхүүнийг
мэдрэхүйн эрхтний үнэлгээ болон шинж чанар, физик, химийн үзүүлэлтийн шинжилгээ хийсэн.
Судалгааны үр дүн

Боловсруулаагүй хонины элэгнээс дулааны аргаар дахин боловсруулан гарган авсан бүтээгдэхүүний
туршилтын үндсэн томьёог амт, чанарыг сайжруулах замаар мэдрэхүйн эрхтний үнэлгээгээр
тодорхойлж амт, үнэр, гадаад байдал, өнгийг 25%-иар тооцсон ба үр дүнд 100гр бүтээгдэхүүн тутамд
1,2гр давс, 1,0гр цагаан элсэн чихэр, 0,08гр I+G нэмэлт / үнэр амт сайжруулах /, цөцгийн тос 2гр,
каррагенан буюу эмульсжүүлэгч 1,0гр, эрдэнэ шишийн цардуул 0,3гр байхаар үндсэн томьёог гаргаж
авсан. Түүхий хонины элэгний урьдчилсан боловсруулалт хийж дотор талын цус, шөрмөс, гадна талын
хальсыг нь хуулж цэвэр усаар угааж бэлтгэсэнтэй холбоотойгоор гарган авсан бүтээгдэхүүний өнгөнд
өөрчлөлт орж байна.

Хүснэгт1. Боловсруулаагүй болон боловсруулсан хонины элэгний мэдрэхүйн эрхтний үнэлгээ